São produtor dum filme! E ti também podes!

2010-02-15


Certificado, parche, adesivos e chapa do Projecto Colibrí (by-nc-sa ifrit)

“Mas que diz este tolo? De que vai todo isto?”

Imos por partes, que a cousa tem a sua miga. O filme vai-se chamar El Cosmonauta e está nos seus primeiros passos de pre-produçao. Já antes de começar podes ter acçeso a cantidade de informaçao (desde o roteiro [PDF, 23Kb], a estética [PDF, 7’8 Mb], a equipa técnica, etc.)

Para o financiamento a gente de Riot Cinema Collective utiliza o sistema conhecido como crowdfunding, no que um grupo de gente, normalmente a traves de internet, poe dinheiro para apoiar um projecto de terceiros. Neste caso a colaboraçao economica pode ser de duas maneiras:

  • Produtor: Desde 2 ouros (que é o que custa o paquete de bem-vinda que vedes na foto, agás o parche) ou mercando qualquer dos produtos da tenda converteste em produtor, o teu nome aparecerá nos créditos do filme e tem um número para o sorteio dum traje autêntico de cosmonauta.
  • Investidor: A partir dos 1.000 ouros podes fazer um contrato de sociedade de participação e receber a tua parte dos benefícios do filme.

Todo o projecto é Creative Commons, aqui tendes a sinopse:

Em 1975, o primeiro cosmonauta russo na Lua não consegue voltar, e da-se por perdido no espaço. El, nembargantes, a traves de pantasmais mensagens de radio, clama estar de volta na Terra e topa-la valeira, sem uma ialma.
A sua irreal presença e a sua voz irão destruindo aos poucos o mundo dos seus seres queridos.

Precisam de mais? Há muito mais. Aqui tem o primeiro teaser trailer, que não só podem ver mas também fazer a tua própria versão (Creative Commons, lembra)

“El Cosmonauta” Teaser 1 (ESP) from Riot Cinema on Vimeo.

Uma gozada de projecto. Uma gozada de ideia. Uma esperança para o cinema.

“Mas isto são quatro matados!” Nada mais longe da realidade. A gente de Riot Cinema Collective nao esta soa e, ademais do equipo técnico e os case 2.000 produtores, conta cunha longa de lista de apoios e colaboradores. Incluso Eduard Artemyev, compositor da banda sonora desse cume da ciência ficção que é o Solaris de Andrei Tarkovsky, lhes cedeu uma peça.

Imagem baixo licença Creative Commons de Riot Cinema Collective

Investiguem, participem e sobre todo PARTICIPEM!!

A pagina web
O blogue
O twitter

Denuncia ao Estado Espanhol pelo monopólio das entidades de gestão

2010-01-20

Depois de que a Comissão Nacional da Competência de Espanha fizera público o informe “Sobre la gestión colectiva de los derechos de la propiedad intelectual” [pdf, 521,36Kb] no que manifesta que “Espanha poderia estar infringindo o Tratado de Funcionamento da União Europeia por permitir que as entidades de gestão (SGAE, AGEDI, etc.,) realizem uma exploração excessiva da sua posição dominante“, os advogados David Bravo e Javier de la Cueva decidiram dar um passo mais na sua luita por uma alternativa à actual legislação de direitos de autor.

Por iso decidiram valentemente denunciar ao Estado Espanhol diante do Tribunal de Justiça das Comunidades Europeias.

Já chegou de queixar-se e berrar pela internet adiante, de pagar os negócios falhos doutros. É hora de fazer algo mais, de dar um passo adiante e fazer valer os nossos direitos a travesso das ferramentas que a justiça põe da nossa banda.

Para elo nada mais singelo que unir-vos à denuncia cobrindo os moldes que tendes aqui abaixo e envia-los por correio ordinário (as instruções estão nos próprios documentos)

Molde odt (em galego)

Molde .doc (en castelhano)

Se depois de ler tudo o anterior inda tens dúvidas bota-lhe um olho a este FAQ

A imagem está tirada deste pequeno manual sobre os direitos de autor.

Dereitos de autor en Foro Aberto

2010-01-19

goretoxo explicou-se e defendeu-se mói bem no pouco tempo que lhe deram. A estas alturas está claro que o que não entende é porque não quer (ou tem interesses), porque as cousas explicam-se bem clarinhas. Mas tranquilos, não nos cansaremos de explica-las.

A partir de hoxe, Rede e Liberdade

2010-01-17

Consideramos imprescindíbel a retirada da disposición final primeira da Lei de Economía Sustentábel polos seguintes motivos:

1.-Viola os dereitos constitucionais en que se ha de basear un estado democrático en especial a presunción de inocencia, liberdade de expresión, privacidade, inviolabilidade domiciliaria, tutela xudicial efectiva, liberdade de mercado, protección de consumidoras e consumidores, entre outros.

2.-Xera para a Internet un estado de excepción no cal a cidadanía será tratada mediante procedementos administrativos sumarísimos reservados pola Audiencia Nacional a narcotraficantes e terroristas.

3.-Establece un procedemento punitivo “á carta” para casos en que os tribunais xa teñen manifestado que non constituían delicto, implicando incluso a necesidade de modificar polo menos 4 leis, unha delas orgánica. Isto implica un cambio radical no sistema xurídico e unha fonte de inseguridade para o sector das TIC (Tecnoloxía da Información e a Comunicación). Lembramos, neste sentido, que o troco de coñecemento e cultura na rede é un motor económico importante para saír da crise como se ten demostrado amplamente.

4.-Os mecanismos preventivos urxentes de que dispoñen a lei e a xudicatura son para protexer toda a cidadanía fronte a riscos tan graves como os que afectan á saúde pública. O goberno pretende utilizar estes mesmos mecanismos de protección global para beneficiar intereses particulares fronte á cidadanía.

Ademais a normativa introducirá o concepto de “lucro indirecto”, é dicir: a min poden pecharme o blogue porque “promociono” un que “promociona” outro que vincula un terceiro que fai negocios presuntamente ilícitos.

5.-Lembramos que a propiedade intelectual non é un dereito fundamental, contrariamente ás declaracións do Ministro de Xustiza, Francisco Caamaño. O que é un dereito fundamental é o dereito á produción literaria e artística.

6.-De acordo coas declaracións da Ministra de Cultura, esta disposición utilizarase exclusivamente para pechar 200 webs que presuntamente están a atentar contra os dereitos de autor. Entendemos que se este é o obxectivo da disposición, non é necesaria, xa que coa lexislación actual existen procedementos que permiten actuar contra webs, incluso con medidas cautelares, cando presuntamente se estea a incumprir a legalidade. Polo que non fica senón recear das verdadeiras intencións que a motivan xa que o único que engade á lexislación actual é o feito de dexar a cidadanía nunha situación de grave indefensión xurídica no contorno dixital.

7.-Finalmente consideramos que a proposta do goberno non só é un dilapidamento de recursos senón que será absolutamente ineficaz nos seus presuntos propósitos e deixa patente a absoluta incapacidade por parte do executivo de entender os tempos e motores da Era Dixital.

A disposición é unha concesión máis para a vella industria do lecer en detrimento dos dereitos fundamentais da cidadanía na era dixital.

A cidadanía non pode permitir de ningunha maneira que sigan os intentos de vulnerar dereitos fundamentais das persoas, sen a debida tutela xudicial efectiva, para protexer dereitos de menor rango como a propiedade intelectual. Dita circunstancia xa foi aclarada co ditado de inconstitucionalidade da lei Corcuera (ou “lei da patada na porta”). O Manifesto en defensa dos dereitos fundamentais en Internet, apoiado por máis de 200.000 persoas, xa avanzou a reacción e demandas da cidadanía ante a perspectiva inaceptábel do goberno.

Para impulsar un definitivo cambio de rumbo e coordinar unha resposta conxunta, o 9 de xaneiro constituíuse a “Red SOStenible” unha plataforma representativa de todos os sectores da sociedade civil afectados. O obxectivo é iniciar unha ofensiva para garantir un regulamento do contorno dixital que permita expresar todo o potencial da Rede e da creación cultural respectando as liberdades fundamentais.

Neste sentido, recoñecemos como referencia para o desenvolvemento da era dixital, a Carta para a innovación, a creatividade e o acceso ao coñecemento, un documento de síntese elaborado por máis de100 expertos de 20 países que recolle os principios legais fundamentais que deben inspirar este novo horizonte.

En particular, consideramos que nestes momentos é especialmente urxente a implementación por parte de gobernos e institucións competentes, dos seguintes aspectos recollidos na Carta:

1.-Os artistas, como todos os trabajadores, teñen que poder vivir do seu traballo (referencia punto 2 “Demandas legais“, parágrafo B. “Estímulo da creatividade e a innovación”, da Carta);

2.-A sociedade necesita para o seu desenvolvemento unha rede aberta e libre (referencia punto 2 “Demandas legais“, parágrafo D, “Acceso ás infraestruturas tecnolóxicas”, da Carta);

3.-O dereito a cita e o dereito a compartir teñen que ser potenciados e non limitados como fundamento de toda posibilidade de información e constitutivo de todo coñecemento (referencia punto 2 “Demandas legais“, parágrafo A, “Dereitos nun contexto dixital”, da Carta);

4.-A cidadanía debe poder gozar libremente dos dereitos exclusivos dos bens públicos que se pagan co seu diñeiro, co diñeiro público (referencia punto 2 “Demandas legais“, parágrafo C, “Coñecemento común e dominio público”, da Carta);

5.-Consideramos necesaria unha reforma en profundidade do sistema das entidades de xestión e a abolición do canon dixital (referencia punto 2 “Demandas legais“, parágrafo B, “Estímulo da creatividade e a innovación”, da Carta).

Por todo isto hoxe se inicia a campaña INTERNET NON SERÁ OUTRA TELE e levaranse a cabo diversas accións cidadás durante todo o período da presidencia española da UE.

Consideramos particularmente importantes no calendario da quenda de presidencia española o II Congreso de Economía da Cultura (29 e 30 de marzo en Barcelona), Reunión Informal de ministros de Cultura (30 e 31 de marzo en Barcelona) e a reunión de ministros de Telecomunicacións (18 a 20 de abril en Granada).

A Rede ten previsto reunirse con representantes nacionais e internacionais de partidos políticos, representantes da cultura e delegacións diplomáticas.

Asinado

Red SOStenible (rede sustentábel)

Red SOStenible somos todos e todas. Se queres adherir este texto, cópiao, postéao, espállao.

Vía: Tati Mancebo